Diaranson anochi a drenta informe di cu un boto lo a bolbe drenta na Rogers Beach, mesora a dirigi unidadnan di Sanicolas y Santa Cruz pa direccion di Colony. A dirigi tur e unidadnan di K9 di polis pa patruya den Colony. Un unidad a staciona su mes na e entrada di Colony banda di e anker, mientras a avisa y a lanta e helicopter pa vigila e area. E unidad di guarda costa terestral a nota un boto den lama y a confisca esaki. Polisnan a keda patruya den Colony pero no a encontra cu ningun persona.