Diahuebs madruga a drenta informe di cu tin un persecucion andando den area di Weststraat y vecindario, mesora a dirigi patruya na e area como tambe a saca 2 extra patruya for di warda. Polis a mira e 2 autonan di cual nan tabata un Suzuki Swift y e otro un Toyota Yaris. Un patruya a logra para e Suzuki Swift y ora a control’e no a haya nada straño na dje y a lag’e sigui su rumbo. Un otro patruya a bay tras di e Yaris y manera e chauffeur di e Yaris a mira polis su tras a paga su lusnan y a purba di huy. Den su huida den Koningstraat ela bira dal 2 potchi mata kibra y a bay para e auto patras di un lugar di loteria. Y a core baha na pia, un rato despues polisnan ta bin topa un sospechoso na pia banda di e warda di polis nobo na Paardenbaaistraat. Polis no a logra saca mucho informacion y a lag’e den Libertad. E auto como ela ser laga atras habri polis a confisca esaki pa pone na disposicion di e doño legitimo.