Diadomingo madruga a drenta informe di un accidente cu hende herida na Moko, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Mitsubishi Van a pega soño tras di stuur y a bay na su man drechi y a bay dal riba un palo di lus. E impacto tabata fuerte y e chauffeur a dal su pecho basta fuerte riba e stuurwiel y a kap su orea na e porta. Na yegada di e ambulans nan a atende e victima y a transporte pa hospital. Elmar a ser avisa ya aunke coriente no a bay casi full e area pa repara un kabel cu a cay mester a desconecta e suministro pa esnan den vecindario.