Diadomingo atardi un ciudadano tabata yamando central si polis pa alerta polis di un auto coriendo masha malo mes for di Palm Beach y tabata bay varios biaha otro banda di caminda treciendo trafico den peliger, pero aparentemente no tabata tin patruya disponibel y ta te na L.G. Smith blvd. ora ela accidenta a manda patruya como ambulans. Na yegada di e patruya a bin compronde cu e dama chauffeur di e Hyundai Accent a bay na man robes dal den banda di e pick-up Mitsubishi L200 aunke e chauffeur di e pick-up a purba kita p’e toch ela dal e pick-up despues e Accent a sigui na e banda robes y a dal semi-frontal cu un Hyundai Grand i10. Debi na e impactonan aki 4 persona a resulta herida pero unicamente 2 persona a ser transporta cu ambulans pa hospital.