Diamars merdia a drenta informe di un accidente cui hende herida na Turibana, mesora a dirigi tanto polis como ambulans na e sitio. Na yegada di e patruya a bin compronde cu probablemente debi na e sofocante calor e dama chauffeur di e Toyota Passo a bay na man robes y a bay dal semi-frontal riba e Kia Rio di direccion contrario y Alaves manda esaki bay dal riba un Hyundai Verna preparando pa sali. E impacto tabata fuerte y ambos chauffeur tanto di e Toyota Passo como tambe esun di e Kia Rio a resulta herida. Na yegada di e 2 ambulansnan nan a atende ambos victima y a transporta nan pa hospital.