Manera boso sa, e siman aki OM hunto cu CEA ta bezig ta cobra debenan di boet. Awe tabata di dos dia cu CEA tabata activo y mi a pensa cu lo ta bon pa duna boso un update di con a bay.

• E dos teamnan di CEA ta sali riba caya di 6’or di mainta pa 12’or di merdia. Un team ta pariba di brug y e otro ta pabao. E teamnan a bishita casi 50 adres awe riba henter Aruba y a detene 2 persona.

• Den cuadro di e accion aki OM ta habri henter dia te 3.30’or di atardi (tambe durante lunch) pa acomoda hende cu ta desea pa bin paga. Riba diabierna lo ta habri te 12’or di merdia.

• No tin mester di haci afspraak. Hende por gewoon cana kibra sin afspraak.

• Hasta nos a haci excepcion riba nos mes regla y a cuminza tuma cash! E siman aki so si.

• OM ta presente na Warda di San Nicolas di 8’or di mainta pa 12’or di merdia (e siman aki so), anto clientenan por pasa y paga. Un di e coleganan ta na San Nicolas pa atende cu cliente y nan por swipe of paga cu cash.