![](https://www.awe24.com/wp-content/uploads/2020/01/B43405FC-6327-493B-8AD0-10876C67FEEF-668x334.jpeg?v=1579050268)
Diamars mainta doño a yega su negoshi den caya grandi pa constata cu ladronnan a drenta den e luga.
Probablemente esaki a sosode den oranan di marduga y e persona concerni a forsa e rolluik pa yega na e glas cu e of nan a kibra cu un bloki cu a keda como prueba di e sucedido. Un di e glasnan a kibra via cual nan a drenta paden y tin un otro pida glas cu a keda cu marca di sla di e bloki manera un spinneweb.
Ta parce cu e ladron(nan) kier a prepara pa temporada di Semana Santa caba pasobra a bay cu slof, short y bikini, cual materialnan tabata balora na mas o menos 200 florin.