Diahuebs madruga a drenta informe di un pelea den Weststraat, mesora a dirigi patruyanan na e sitio. Na yegada di e patruya a bin topa cu grupo di hende gritando otro pero sin por saca afor kiko a sosode. Ta te ora un hende a bisa cu e bringadornan a bay den un auto Honda shinishi, aki polis a cuminsa para tur auto shinishi cu nan ta topa. Un patruya a nota un Honda shinishi move cu hopi velocidad y a bay su tras mientras a avisa e otro patruyanan. Den Belgiëstraat un patruya a logra para e vehiculo y polis a bay atende cu esnan den e auto. Aki tanto un mucha muher y un mucha homber a habri boca cu polis y a bira fresco te pa insulta polis. Aki polis a detene nan mesora. Den e auto tabata tin 3 mucha homber mas pero como cu nan a comporta y no a haci nada malo nan por a sigui numa.