No sa si ta pa celebracion di “Dera Gai” pero despues di un tiro candela grandi a devora full un pida di mondi grandi na Tanki Leendert. Diahuebs anochi laat a drenta informe di cu bisiñanan a tende un tiro y djey gran parti di e mondi tabata na candela, mesora a dirigi tanto polis como bombero na e sitio. Na yegada di bombero a nota cu e candela ta basta grandi y ta bay tin mester di mas awa y a pidi pa un “tankwagen” bini pa combati e candela aki. Aunke e no tabata forma peliger di expansion na e momentonan ey pero si e huma tabata causa molester pa e habitantenan cu consecuencia pa nan salud. Bomberonan a combati fuertemente y a logra domina te paga e candela completamente.