Diabierna anochi a drenta informe di un accidente cu hende herida dilanti 88 foodmart na Santa Cruz, mesora a dirigi tanto polis como ambulans pa e sitio. Na yegada di patruya na e sitio a bin compronde cu aki un S.U.V. a bira dilanti un brommer sin duna preferencia y a dal den esaki. E motorcyclista a resulta herida y tabata rekeri asistencia medico. Na yegada di ambulans na e sitio a atende cu e victima y a transporte pa hospital. Polis a confisca e S.U.V. ya cu esaki no tabata tin su papelnan na ordo. E brommer a keda poni un banda ya cu no tabata tin hende pa tuma esaki.