Diasabra madruga a drenta informe di un accidente na e rotonde di Tanki Leendert riba E.J.”Watty” Vos blvd., mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda e chauffeur di e auto despues di a dal tras un auto a core bay for di e sitio. E otro auto cu a keda a duna polis e number, marca, modelo y color di e auto cu a core bay. Polis a tuma nota di esakinan y a pasa e caso pa polis di trafico cu lo bay busca e auto y chauffeur cu a core bay.