Diamars atardi a drent informe di un accidente cu hende herida na Piedre Plat, mesora a dirigi tanto polis como ambulans na e sitio. Na yegada di patruya na e sitio a bin compronde cu aki un BMW blauw a subi caminda sin duna preferencia na un KIA Rio bayendo zuid. E KIA a purba desvia pa evita e accidente pero debi cu e tabata riba tire di spare esaki a bira den banda y impacta e BMW den banda cu su bumper patras. Un mucha sinta patras a resulta levemente herida pesey a pidi presencia di ambulans. Na yegada di ambulans na e sitio a atende cu e mucha levemente herida na e sitio mes. Polis a tuma datos di e accidente aki.