Pareha turista di edad a bira victima di un atraco banda di holiday inn hotel.

Diaranzon anochi a drenta informe di un caso di atraco riba pareha tusita di edad banda di Holiday Inn, mesora a dirigi un patruya na e sitio. Na yegada di e patruya a bin compronde cu e pareha turista cu tabata riba beach a bira victima di ladronicia. Aki dos hoben a pasa man pa tas di turistanan di edad y huy na pia. Un di nan ta color scur cu shirt berde. Polis a topa cu e security cu a bati alarma y djey e pareha turista di edad halto tambe a acerca Polis. Nan a splica cu e ladronicia a sosode riba e beach. A cuminsa un buskeda mesora pasobra e ladronnan a core bay direccion pariba den Palm Beach. E turistanan a perde placa, telefon y tambe pertenencianan personal cu tabata den e tas. Varios unidad a cuminsa un buskeda intensivo den e area pero no a logra topa cu e ladronnan. E turistanan tabata hopi disgusta cu net riba e One Happy Island nan a ser horta di es forma aki. Polis a hinca e pareha den auto di Polis y hibanan warda di Strand Politie pa asina nan haci nan denuncia.

Share:

Leave a Reply

Your email address will not be published. Required fields are marked *