ORANJESTAD – Ideal pa famia, pa tur cu gusta aviacion, pa tur cu kier cera conoci cu e historia di aviacion y di aeropuerto di Aruba…den un solo palabra: pa tur cu gusta avion. AUA Airport a prepara un exposicion, nunca antes presenta, den nan aeropuerto priva na e otro banda, banda di Bucutiweg. Ta un exposicion gratis pero yena di informacion, historia y creatividad nunca bisto!

 

Aruba Airport Authority N.V. (AAA) hunto cu Gobierno di Aruba, Aruba Tourism Authority, Department of Civil Aviation (DCA), Air Navigation Services Aruba N.V. (ANSA) y Agustin Vrolijk ta warda un y tur diadomingo awo pa e Aruba Aviation Expo 2023.

 

Aruba Aviation Expo ta dedica na tur cu tin un entusiasmo pa e mundo di aviacion. E dia ta priminti di ta yena cu exposicion di avion y su ekiponan. Esaki ta un momento unico pa experencia e pista di aeropuerto. Na momento cu bo atende e evento, bo lo tin oportunidad di explora tecnologia aeronautico, ta testigo di con ta prepara e avionnan y e ekiponan, experencia flight simulators y participa den oportunidad pa netwerk cu e lidernan den e industria.

 

Presente na e evento aki lo t’ey e Crisis Mobiel di BRA, Cuerpo di Bombero, fuel truck di FMSA, helicopter di Cuerpo Policial Aruba, Kustwacht lo t’ey cu su avion y su boto. Air ambulance lo duna un demostracion. Archivo Nacional Aruba lo splica tocante e historia di aviacion. Tambe lo tin e coleccion di “avion remote control” di Aruba Radio Control Club.

 

Aeropuerto ta invita tur mucha artista y innovado di e scolnan basico di Aruba pa participa den e competencianan: Competencia di pinta (klas 1 te cu 3) y e competencia di avion recicla (klas 4 te cu 6). E actividadnan aki ta parti di e gran celebracion di e 100 aña di aviacion na Aruba y su obhetivo ta pa promove creatividad, e conciencia ambiental y e amor pa aviacion den nos muchanan. Pa participa e alumnonan mester sigui e instruccionnan den e papel ricibi den e pakete di “Buki di Pret”.

 

Mester entrega tur cos na e stand di Ban Serio na e Aruba Aviation Expo 2023 cu ta tumando luga diadomingo awo. E expo ta tuma luga den e parti paseit di Aeropuerto di Aruba y ta

cuminsa 10:00 am te cu 4:00 pm y ta un evento completamente gratis. No perde e oportunidad unico di experencia pa subi e pista di avion di Aeropuerto Internacional Reina Beatrix