Recientemente miembronan di Aruba One Happy Island Lions Club a bishita nos grandinan di Cas Paraiso. Riba e mainta aki hunto cu Fundacion Mente y Alma a duna e señora grandinan un masaje facial y e caballeronan a haya un masaje di man. Despues di esaki Tipico Pegasaya a deleita nos grandinan cu musica tipico mientra miembronan a crea un ambiente festivo cu fruit punch y snacks. Miembronan di club a haya oportunidad di combersa y baila cu e grandinan. Sigur un mainta hopi ameno. Un danki na Fundacion Mente y Alma cu a coopera cu nos evento.