Diadomingo anochi a drenta informe di un problema di pareha bayendo for di man na Wayaca, mesora a dirigi patruya y ambulans na e sitio. Na nan yegada nan no a encontra nada pero a compronde cu e victima ya a ser hiba hospital. Polis a sera e area toch pa mas investigacion. Un rato despues a drenta informe di cu e victima a bira raso y a bisa cu awenochi e ta mata su mes y a cuminsa lanta contra e paramedico y enfermeronan na hospital. Otro patruya a ser dirigi na hospital pa purba calma e victima mientras a cuminsa alerta tur autoridadnan competente ya cu e situacion ta serio. Despues a drenta e tristo noticia cu e victima R.R.W. di 32 aña a fayece. Polis a bay dilanti e cas di su pareha pa mas investigacion. Tanto recherche como e investigadornan tecnico y forensyco a bay na e sitio como tambe na hospital. Pa algun tempo caba tabata tin problema entre e cu su pareha. Na su famia nos ta extende nos mas sincero palabranan di condolencia.