Diamars madruga a drenta informe di un accidente na Gasparito, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur a perde control na e birada y a baha caminda bay dal porta y cura di cas kibra. Afortunadamente ningun hende a resulta herida den e accidente aki. Polis a test e chauffeur pa wak si e ta bao influencia pero e test a sali 0% alcohol.
