Diamars mainta a drenta informe di cu tin un homber di edad a cay riba caminda y herida su mes banda di Pro-Catedral San Francisco na Oranjestad, mesora a dirigi tanto polis como ambulans na e sitio. Un polis di e investigadornan technico forensyco cu tabata cerca a sera parti di e caminda. Hunto cu algun persona pasando a yuda e homber cual na prome instante no tabata reacciona y a yud’e a pon’e sinta na un stoel. Na yegada di e first responder di ambulans nan a atende e victima y a hib’e den sombra pa asina sigui revis’e y atend’e. Aparentemente e no a desayuna mainta y como ta hopi calor y solo ta briya fuerte ela dal abao.