Diasabra madruga a drenta informe di un accidente na Caya Juancho Kock na e bocht prome cu yega Dadelstraat. Mesora a dirigi un patruya na e sitio. Na yegada di e patruya a bin compronde cu chauffeur di un Mitsubishi pick up lo no a bira den e bocht y a bai dal den un troncon di mata. Polis a ripara cu e dama chauffeur lo ta bao influencia y a haci test y a confirma esaki. Mesora polis a detene e chauffeur y a transporte pa warda di polis. Afortunadamente ningun persona no a resulta herida.