Dialuna mainta a drenta informe di un accidente net na e brug pariba di Banco di Caribe na Wilhelminastraat, mesora a dirigi un patruya na e sitio. Na yegada di e patruya a bin compronde cu e chauffeur di un Nissan March saliendo for di e rotonde a slip perde control, subi acera kap 2 tire y bay dal riba e reling di e brug. Railing cu ta net siman pasa nan a dreche despues di basta dia di un otro accidente. Despues di a dal riba e reling e vehiculo a bay bek na man drechi y keda para eynan. Afortunademente ningun hende a resulta herida.