Diamars anochi a drenta informe di un caso di hincamento na Avenida Milio Croes na Dakota, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un pelea entre 2 persona cual un di nan a presenta for di Santa Cruz y a bini te Dakota y a kibra un bentana. Aki a start un pelea unda ambos a resulta herida cu un hinka. Un tabata tin un hinka serio den lomba y cu mester a hib’e cu urgencia pa hospital, mientras e otro tambe tabata tin un hinca pero no asina serio como e otro. Un otro ambulans a bini pa e otro persona herida. Polis tin e caso bao investigacion.