Diaranson atardi a drenta informe di un incidente cu hende herida banda di e rotonde di Bushiri na E.J. “Watty” Vos blvd., mesora a dirigi tanto polis como ambulans na e sitio. Na yegada di e patruya nan no a haya nada na e rotonde pero poco mas pabao di e viaduct di Hato riba e fietspad a bin haya un hoben ciclista cu a caba di dal abao y herida su mes. Na yegada di e ambulans nan a atende e victima y mester a transporte pa hospital pa ricibi tratamento medico mas avansa y un revision mas extenso.