Den oranan di madruga, e Centro di Operacion Maritimo a recibi e informe di un boto di bela cu tabata rekeri asistencia cerca di Saba. E liña di mara a kibra y e boto bay pega den e barancanan banda west di e isla. Un otro boto di bela presente den e zona a brinda inicialmente asistencia desembarcando e personanan di e embarcacion pega. Poco despues, e boto di Guarda costa ‘Metal Shark’ a brinda asistencia trasladando un total di 23 persona, 21 di cual tabata menornan di edad, pa e waf di Saba. Ningun persona a resulta herida.