Diabierna atardi a drenta informe di un accidente na e cruzada Caya Juancho Kock cu Caya Papa San Juan Pablo II, mesora a dirigi patruya na e sitio. Na yegada di e patruya a bin compronde cu aki ta trata di un accidente unda e chauffeur di e pick-up cual ta burachi no a para pa duna preferencia na un Ford Figo cu tabata tin preferencia y nan a dal den otro despues di e impacto e pick-up a bay dal y basha un cura di cas abao. Afortunadamente ningun hende a resulta herida. Polis atendiendo e accidente mesora a nota cu e chauffeur di e pickup ta bao influencia y a dicidi pa test e chauffeur y a bin constata cu e bastante burachi y a detene. Ademas di esey e chauffeur di e pick-up no por a mustra ningun papel na ordo di e vehiculo y a confisca esaki.