Diabierna anochi a drenta informe di un accidente basta serio cu hende herida den Havenstraat, mesora a dirigi tanto polis como ambulans y hasta bombero na e sitio. Na yegada di e patruya a bin compronde cu aki lo ta trata di un accidente unda tabata tin un pustamento unda e Suzuki SUV a pasa na e banda drechi riba e railsnan di e tram perde control bay dal den un BMW bay otro banda dal fuertemente riba un palo di lus cual impacto ultimo aki a saca e chauffeur bente riba caminda. Mesora polis a sera e area pa investigacion y ambulans a yega atende e victima y transporte cu sumo urgencia pa hospital. Polis a detene e chauffeur di e BMW na e sitio. E unidad di trafico a solicita presencia di tur autoridad competente, esey ta indica cu e victima ta gravemente herida. Nos lo sigui informa.