Diamars mainta a drenta informe di un pleito formal gasta cu cuchiu na compleho di apartamento na Matogerai, mesora a dirigi un patruya na e sitio. Na yegada di e patruya a bin compronde cu un chauffeur a para su auto na un lugar cu no ta destina p’e y un otro persona cu a yega madruga despues di trabao a haya un otro auto para na su lugar y a parkeer su auto tras di esey. Manera cu solo a sali e otro auto blokia mester a sali y a bay bati na e apartamento di esun cu a blokia e. Pero como no tabata tin reaccion e homber a bati e porta asina duro cu a lanta muchanan chikito y e doño a sali zundra y a start un pelea unda e otro a bini cu un cuchiu. Pero polis a tega net na ora pa evita un desgracia y a papia cu ambos partido y a clarifica e situacion.