Diaranzon anochi a drenta informe di cu tin un auto Toyota coriendo zig zag riba rim na altura di Sero Pita, mesora a dirigi un patruya na e sitio. Na yegada di patruya a topa e auto para banda di caminda y a bay atende e chauffeur. Despues di a tarda pa baha for di e auto, polis a pone supla pero aki e resultado tabata sero y e chauffeur a bisa cu di mainta e ta sin bebe su medicamento y esey a pone cu ela core malo te kap un tire. Mirando cu e chauffeur no tin ningun familiar cu por a bin buske, a laga e vehiculo di transporte hibe te na su cas na Pos Chikito. E chauffeur a keda masha agradecido pa e gesto di polis.