Diasabra atardi a drenta informe di un accidente cu hende herida na e cruzada pariba di Wei Ming Supermarket na Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un brommer. Aki un Mitsubishi Lancer biniendo di pabao a yega bira dilanti e motociclista y e motociclistanan a purba brake pero como e beton ta mucho lizo y e brommer no a para y tamto e motociclista como su pasahero a bula for di e brommer y a herida nan mes mientras e brommer a bay dal riba e wiel di e auto. Despues di e impacto e auto a sigui core bay pero a ser para pa testigonan cu a pone regresa na e sitio di accidente. Ambos persona riba e brommer a resulta herida y nan a a ser atendi pa ambulans na e sitio mes pa e lesionnan ricibi. Polis a duna e chauffeur di e Lancer un boet ya cu e ta core auto sin rijbewijs.