Bon Bini na Aruba un produccion nobo!

Musica nunca por falta na ningun momento pa alegra e alma di cada uno y semper sirbi como un terapia den nos bida. Musica den diferente genero y for di diferente cultura por tin su temporada pero semper tin su lugar den cualkier hogar y tambe tin su momento pa por scucha esaki. “297 Strings” ta un trio arubano cu ta consisti di solamente instrumento di cuerde cu ta toca musica instrumental special pa ocacionnan special manera den resataurantnan of lugarnan cu mester musica den fondo. E trio aki ta consisti di Jeremy Dijkhoff cu ta toka cuarta pa duna e ritmo y harmonia di e cancion, riba baho ta Ivan Croes cu ta duna e cancion e peso y tokando e melodia di e cancion ta e mandolin den man di Rubin Ponson. “297 Strings” ta existi pa algun aña caba y a presenta na algun restaurant local y tambe a presenta como grupo preliminar den otro actividadnan cu nan reportorio bon varia di musica local y internacional calisico cu bo no por lubida. Bon Bini na Aruba ta e produccion nobo cu nan ta lansa y ta bira e di tres produccion di e trio aki banda di algun cancionnan individual cu nan a saka tambe pa e temporada di fin di aña. E produccionnan aki mescos cu esun actual ta obtenibel riba USB pa 25 florin y tur ganashi ta bai 100% pa un organisacion cu ta juda comunidad, pues cu compra di e produccion aki bo por goza di dushi musica y alavez contribui na un bon causa. Tambe por ricibi tur tres produccion riba e USB pa 50 florin. Jama pidi pa esun dibo na 730-1214 y nos lo entrege te serka bo. Bunita musica y un bunita gesto.

01 Carmelita