![](https://www.awe24.com/wp-content/uploads/2023/07/curakibra240123-15-668x334.jpeg?v=1690211919)
Dialuna mainta a drenta informe di un accidente cu hende herida na cruzada Pitastraat / Sisalstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un dama di edad manehando un Ford Escape biniendo for di nort den Pitastraat a bay bira na man robes pa drenta Sisalstraat y na un dado momento a bira malo tras di stuur y a bira mas na man robes y a bay dal cura kibra drenta. Na yegada di e ambulans nan a atende e victima na e sitio mes.