Ultimamente por mira cu chauffeurnan ta staciona con cu ta den area hotelero hincando bida di turistanan den peliger ora cu autonan ta staciona riba acera forsando turistanan canando cu stroller y nan yiu y tambe turistanan handycapped cu nan scooter forsando nan baha acera bay riba caminda exponiendo nan mes na peliger. Polis a ricibi varios reclamo y esaki mas tanto riba e area hotelero. Den ultimo dianan polis a incrementa e control aki. Autonan cu ta staciona riba acera, walkway y hasta bushalte ta ser kita cu takelwagen y cu nan merecido boet. Pa tur sorpresa cu e por ta, polis a haya un Hyundai Getz staciona otro banda di caminda dilanti Blue Radisson pero riba acera strobando e walkway di turistanan forsando nan baha caminda exponiendo nan bida na peliger pa colmo cu 2 diferente number y ningun no ta cuadra cu e auto. Esaki ta net e receta urgente pa bay cun’e! Shonnan ban nos tur cuida nos unico pilar esta nos turismo ban mustra nos bishitantenan nos amabilidad y respet!

19