Diamars atardi a presenta na Warda di polis na Shaba un persona den un auto particular cu a trese un dama herida door di su mesun yiu y a bisa cu su yiu a herida su mes tambe cu cuchiu pero ta na cas na Montaña y rebeldiando y ta hopi peligroso, mesora a dirigi varios patruya cu un ambulans tambe na e cas. Na yegada di e patruyanan a bin nota e yiu ta sunu den cas y polis a rondona e cas pa e yiu no logra huy.  Polisnan cu a bay na e cas a prepara nan mes pa cualkier eventualidad. Ora polis a mira e yiu den cura purbando pa sali a grit’e pa e para y polisnan a bula drenta e cura y a logra gar’e. E yiu tabata fuera di control y tabata papia cosnan fey sla. Unabes cu nan a gar’e a hib’e den ambulans y a transporte pa hospital.