Diaranson madruga a drenta informe di cu tin un Jeep di tour na candela pega cu un cas na Jucuri, mesora a dirigi tanto polis como bombero na e sitio. Na yegada di e patruya a nota cu e Jeep ta na candela pega cu un van y e por a hasta a pega e cas na candela y a pidi e bomberonan cu mas urgencia. E doño mes no tabata sa cu su Jeep ta na candela, ta un yamada ela haya y a core sali pusha e van cu tabata banda di e Jeep pa evita cu esaki kima por completo. Na yegada di bombero mesora a cuminsa combati e candela te paga esaki. Na e sitio por a haya un jerry-can cual lo a ser usa pa sende e candela. Esaki ta e di 2 biaha cu ta pega su vehiculonan di tour na candela. Tur e camaranan rond di e cas lo ser revisa y tambe esunnan den vecindario pa asina logra captura e arsonista aki y dun’e su merecido castigo.