Diaranson atardi un patruya pasando den Plantersrust a bin topa cu un accidente cu basta daño na e crusada Plantersrust/Wayaca. Mirando e impacto a haya cu lo ta prudente pa ambulans presenta na e sitio. Ta trata aki di un accidente pa falta di preferencia unda e Jeep biniendo for di Plantersrust no a para pa duna preferencia na e Kia Sportage cu tabata biniendo for di zuid di Wayaca bayendo nort. E Jeep a dal e Sportage mande subi acera y bay dal un borchi di trafico. Na yegada di e ambulans nan a atende e heridonan na e sitio mes.