Diahuebs anochi a drenta informe di un accidente riba Watty Vos Boulevard serca di e mufflershop, mesora a dirigi patruya na e sitio. Na yegada di patruya na e sitio a bin compronde cu aki chauffeur di un auto no a pone atencion na e caminda su dilanti y a bay dal tras di un truck cu tabata muhando mata riba e median. Afortunadamente ningun persona a resulta herida den e accidente aki pero si e impacto tabata fuerte y a causa hopi danjo material na e auto. Polis a tuma datos di e accidente aki.