Diadomingo madruga a drenta informe di un accidente frontal cu hendenan herida na Savaneta, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Nissan March a bay banda robes di caminda y a bay dal frontal riba un Hyundai Accente. Debi na e fuerte impacto tabto e chauffeur como e ocupante di e Accent a resulta herida. Na yegada di e ambulans a atende e victimanan y a transporta nan pa hospital. Polis a nota cu e chauffeur di e March ta bao influencia y ora a bay test e ela surpasa e limite y a ser deteni.