Diamars atardi a drenta informe di cu un auto Nissan March a aparece banda di e ex-consultorio di Dr. Mungra na Hooiberg, mesora a dirigi un patruya na e sitio. Na yegada di e patruya a bin constata cu enberdad tin un Nissan March a ser haya eynan para cu e number A27998 cual lo ta e vehiculo cu a ser horta for di Sabana Blanco tur e otro detayenan di e auto horta ta cuadra cu esaki. Como cu un denuncia a ser haci polis a confisca e vehiculo aki pa mas investigacion. E doño a keda masha agradecido na nos media cu a publica e noticia aki mesora pa asina rapidamente e pueblo a reacciona y a avisa di esaki.