Diaranson anochi a drenta informe di un accidente cu hende herida na e rotonde Ponton riba E.J. “Watty” Vos blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan March riba e rotonde a bay mucho na man drechi dal riba un Hyundai Accent para na e rotonde biniendo for di Tanki Leendert djey e March a sigui bay dal riba un di e aparatonan pa ehercita. Debi na e impacto cu e Accent e personanan den e Accent a resulta levemente herida. Na yegada di e ambulans nan a atende e victimanan na e sitio mes. Takelwagen mester a bini pa kita e autonan.