Diabierna merdia un patruya a nota un chauffeur coriendo malisimo treciendo peliger den trafico y ta purba par’e pero e chauffeur lo ta bao di influencia di un of otro substancia y no kier para riba e caminda di rotonde Santa Helenastraat bayendo nort. A solicita varios patruya pa yuda para e auto Tercel berde A12686 aki tabata coriendo hasta banda robes di caminda sin haci caso di polis. Na rotonde Tanki Flip ela bira bay direccion pariba bayendo Tanki Leendert, ta te na altura di Los Cafeteros a logra para e chauffeur y a detene. Aunke ela dal varios auto den e recorido hasta auto di polis ora di par’e. Den su poder a logra haya puiro blanco parecido na cocaina y a confisca esaki como tambe e auto.