Diabierna anochi a drenta informe di un accidente na Dominicanessenstraat banda di Maria College. Mesora a dirigi un patruya na e sitio. Na yegada di e patruya a bin compronde cu un chauffeur di un van Deawoo blanco lo a dal tras di un minivan preto para na banda. E impacto tabata asina fuerte cu e mini van a draai 90 grado. Afortunadamente ningun persona a resulta herida. E chauffeur di e van Deawoo blanco lo tabata bao influencia y polis a detene. Vehiculo di transporte a hib’e Warda di Polis. Polis a tuma datos di e accidente aki.