Diasabra mainta a drenta informe di un accidente banda dibe dam na Saliña, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un chauffeur sin rijbewijs coriendo na e banda robes di e caminda cu un auto Toyota Yaris A59230 sin ningun papel na ordo bayendo pa dal frontal riba un auto contrario pero e chauffeur di e otro auto a desvia evitando e impacto frontal pero asina mes e auto a bin dal e den banda. Afortunadamente ningun hende a resulta herida. E chauffeur sin rijbewijs a bisa polis cu ta solo a blind e, polis a dun’e un boet pa a core auto sin rijbewijs y a confisca e vehiculo cu no tabata tin ningun documento na ordo. Awor e otro chauffeur a keda cu gasto pa drecha su auto.