Diadomingo madruga a drenta informe di cu un dama ta gritando pa yama polis na Steenweg, mesora a dirigi un patruya na e sitio. Na yegada di e patruya e dama a splica polis cu e no kier e homber abusador ey mas na su cas. Polis a bisa e homber pa e bay pero e homber no a haci caso di polis y polis cu un bos mas halto y un tono mas directo a logra pone e homber bay for di e sitio. Ora polisnan a bandona e sitio e homber a bolbe regresa, polis a bolbe y a duna e homber e ultimo advertencia sino e lo ser deteni. E homber a sali bay dibiaha.