Diamars atardi a drenta informe di un accidente cu hende herida na E.J. “Watty” Vos blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Renault Duster a a dal na e rand di acera y a perde control bay bolter. Den e impacto aki e auto a bay cay bek riba su 4 wielnan y un mucha di 9 aña a resulta herida. Na yegada di e ambulans nan a atende e mucha y a transporte pa hospital.