Diadomingo anochi a drenta informe di cu huma lo ta saliendo di un cas na Marawiel. Mesora a dirigi tanto polis como brandweer na e sitio. Na yegada di e polis a bin constata cu berdad huma ta saliendo for di e cas. Na yegada di brandweer nan a compronde cu lo tin un persona den e cas. Mesora nan a kibra e porta pa rescata e dama. Ora brandweer drenta a nota cu lo tabata tin un cuminda riba stove cu lo tabata causa e huma. Brandweer a logra localiza e dama den camber. E dama lo tabata wak television y no a nota e huma cu tabata sali. Polis a tuma datos di e susedido aki y brandweer a hala atencion di e dama cu no tabata pendiente na e stove.