Diadomingo anochi a drenta informe di un pelea formal di gang di chabalitonan na Eagle Beach, mesora a dirigi patruya na e sitio. Na caminda pa e sitio a drenta otro informe indicando cu un persona a yega cu su ruman cu un hinca na su curpa despues di un pelea na Eagle Beach. Polis a dirigi mas patruya na e sitio como na hospital. Na yegada di e patruya na Eagle Beach esnan presente no kier a duna mucho informacion. pero na hospital a pidi presencia di recherche pa asina bin sigui cu e caso aki. Recherche a presenta y ta trahando riba e caso aki unda pronto lo spera mas detencion.