Aruba Softball Bond preparando pa campeonato 2020

Diaranson ultimo tabata tin un reunion extenso di directiva di ASB riba e programa di softball y planea aña 2020 den su totalidad. Den e promer reunion di Directiva tabata notable cu tabata tin un “stoel bashi” cual a trese hopi recuerdo dilanti. E Stoel di nos Vice Presidente Francisco  “Chipen” Chirino kende final di aña a bay laga nos. Sigur Chipen ta hasi hopi falta como cu nunka pero nunkla e ta salta un reunion y ta e consehero mayor di henter e bestuur cu un trajectoria imprecionante. Directiva a reuni riba campeonatonan local y klasse nan di competencia pa 2020. Desicion final lo organisa campeonato masculino AA y Aklas y lo organisa campeonatonan femenino AA y U17. Mester bisa cu U17 den 2019 tabata tin un bunita campeonato mientras e final AA femenino tabata uno jena cu emocion. Directiva a reuni riba e posibilidadnan pa selecionnan masculino y femenino y alaves U17.  ECASC cu ta e confederacion entre islanan lo organisa campeonatonan clasificatorio den ambos ramo y e pais cu gana “oro” den e campeonatonan aki lo drenta Juegos Centro Americano y Del Caribe cual lo tuma lugar na Juli 2022 na Panama. Otro puntonan di agenda tabata campeonatonan internacional lokal. ASB a ricibi peticion di un equipo miembro pa auspicia un campeonato internaciional den Juni y ta trahando riba esaki. Pa cu Femenino Corsow y  Panama tin interes pa bin un campeonato y ta trahando riba esaki tambe. ASB a planea den e promer reunion di directiva pa jama un reunion extra ordinario den e promer siman di Februari cu tur equiponan miembro pa duna tur splikacion y hunto escohe fechanan cu campeonato 2020 lo inicia. Den 2019 masculino a inicia promer siman di mei mientras femenino a escohe pa inicia mei mei di Augustus momento cu school a inicia. Lo keda pendiente pa e deseo di mayoria. Aña 2020 ta mustra un aña cu lo bay ta carga cu eventonan di softball.

Share:

Leave a Reply

Your email address will not be published.