Diabierna mainta a drenta informe di un caso di bringamento na sitio di construccion banda di e post di Strandpolitie, mesora a dirigi varios patruya na e sitio. Na yegada di e patruya a bin compronde cu aki ta trata di un trahador cu a ser kita for di trabao e dia anterior y awor a bolbe pa bringa cu e superior y lo a bini cu un cuchiu, pero ya a bandona e sitio. Polis a bay atende cu e persona y a mustr’e su derechonan y pa bay na Departamento di Labor seccion conflictonan laboral.