Diasabra merdia a drenta informe di cu tin un problema andando unda yiu a lanta contra su mesun mama y e yiu lo ta herida na Socotorowijk, mesora a dirigi tanto polis como ambulans na e sitio. Na yegada di e patruyanan ya e situacion a calma poco pero e yiu ta herida y tabata sangrando pa cual a pidi pa ambulans. Locual polis a logra saca afor na e sitio ta cu e yiu ta malcria y ta desobediente. Esaki ta un motibo pa yama slachtofferhulp pa intermedia y yuda nan sali for di e problematica cu nan tin cu otro. Na yegada di e ambulans nan a atende e victima y a mira cu e herida ta grandi y cu mester hib’e pa hospital.