Dialuna atardi a drenta informe di un pelea dilanti botica na Paradera. Mesora a dirigi un patruya na e sitio. Na yegada di e patruya a bin compronde cu no ta un pelea sino un problema unda un damita lo a bebe algo na un fiesta cu a hasi cu e no por a para keto ni drumi. E tata a bai cu e yiu botica pa busca remedi pero e yiu lo no kier a baha. Y esaki a pone hendenan den cercania a kere cu tabata trata di un pelea. Polis a tuma datos di e susedido aki.