Rosabelle Illes a participa na Winternachten Festival di Literatura na Hulanda

DEN HAAG – Entre 15 y 19 di januari a tuma luga e 25 ediciondi Winternachten Festival Internacional di Literatura na Den Haag, Hulanda. Pa e ocasion aki, autor arubiano Rosabelle Illesa keda invita pa comparti su obranan pa prome biaha naHulanda. Durante e Opening Night, algun minuut prome cu e inicio di e festival, Illes a keda informa cu e lo habri e anochi cu un di su poemanan. Den e presentacion aki, el a wordoacompaña pa e Royal Conservatoire The Hague String Quartet como cu un di e studiantenan a composita un canticaspecialmente pa Illes su poema despues di a les’e algun simanprome. “E studiante yama Hesce Mourits, e ta toca cello y e tin 18 aña di edadOra cu mi a tende cu el a scoge mi poema mi a keda hopi contento pa motibo cu mi ta gusta colabora cu otroartista ora di presenta mi obranan. E piesa cu Hesce a composita ta sumamente bunita”, Illes a expresa.

Durante e 5 dianan di Winternachten, Rosabelle a atendereunionnan cu autornan internacional y a presenta su obranan nadiferente eventonan den e ciudad di Den Haag. Un sesion cu e tawata nervioso pa forma parti di dje tawata tocante storia y poesia di Surnam y Aruba hunto cu e autor renombra Cynthia McLeod. “E buki revolucionario Hoe duur was de suiker di Cynthia McLeod a keda publica na 1987. E mesun aña aki ami a nacepues naturalmente mi tawata sinti mi mes intimida pacomparti e escenario cu un autor di Cynthia su caliber”, Illes ta conta. “Pero mi a siña hopi den tiki dia. Mi a conoce diferenteautor di Turkia, Sur-Africa, Palestina y Indonesia. Tambe mi a experencia spoken word di artistanan hulandes riba nivel halto. Mi ta regresa Aruba inspira y hopi agradecido na e organisadornan pa e oportunidad valioso aki.”

Rosabelle ta autor di 3 buki di poesia y storianan cortico y suultimo publicacion ta un buki multilingual pa mucha titulaCurasonchi (Hearty), cu el a skirbi hunto cu Levi Silvanie. Pa mas informacion tocante Rosabelle su obranan por bishitawww.rosabelleilles.com   

Share:

Leave a Reply

Your email address will not be published. Required fields are marked *